Tsofy Rano (Feo Gasy)

Mba tsofy rano izahay Zanahary mba ho tafarina
Fa tafahitsoka anaty aizina lalina
Tsy mahita andro miratra ô !
Mangeja mafy re ny fahantrana, be ny hetraketraka
Miharatsy ny saina, ny tena voasarika hangalatra
Tsy mahita hanin-kohanina ô !

Lahy tokana ny aina ry zareo
Ka tsy maintsy tsinjovi-matetika
Miandry ny ankizy any an-trano
Tsy maintsy mihinana
Herinandro tsy mivalana ô !

O Gasikarako ô !
Fa loza inona ity nahazo ô !
Malazo tsy hihinana ravinkazo,
Tsy voavidy vola ny mangahazo
Ny takalo-patsa efa lany vazo !
--------