You are here: home > Tononkira > Farakely

FITIA MANGINA (Farakely)

Misy fitia mangina anao
Miafina ao am-poko ao
Tsy sahiko lazaina sao
Matahotra aho ndrao dia lavinao
Efa nanao izay azo atao
Nanintona ny masonao
Hitopy aty ka hahalala
Hoe tiako ianao k’aza misalasala

Ref: Fa matimatinao
Feno anao tokoa ty foko
Raha mba mitampify kely
Eo an-tratranao ve hadisoako
Toa manonofy aho
ManTsiky dia ampyantena ny tsy misy
Fa ianao toa mandositra ahy
Fa nahoana kay indrisy
(Fin) Fa nahoana indrindra iky

Raha vao mahita ny endrikao
Mirana izao rehetra izao
Tsy hay fa sarotra hazavaina
Ny tsikinao mampifaly saina
Masoandro mibaliaka teo
Nilentika tsy sahy niseho
Rehefa injay ianao tsy hita
Mangovitra aho ka tonga ny hatsiaka

A/C: ALAIN RABETRANO

Mpihira : Farakely
Mpamaky : 20194
Mpakafy : 1 Ankafizo
Nampidirin'i : malala3
Tamin'ny : 31/01/2017 12:21:57
ID : 9121

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Sokajy

Tondrom-peo

Hampiditra tondrompeo