Izy tia ahy (Fanja Andriamanantena)

Izy ilay nitango hasambarana teo anilako
Nefa nahazaka ireo filafilako
Izy ilay niandry izay mba sitra-poko
Fa tsy nandrenesako taraina na toloko.

Izy ilay nantsoiko rehefa injay ilaiko
Fa tsy novaliako raha izy no mibaiko
Izy ilay namiratra ho ahy samirery
Saingy tsy hitako, izaho koa tsy te hijery.

Fa izy tia ahy tsisy ady varotra
Izaho tsy nanahy fa hoe
Ny fiainanay ho tahaka izay mandrakizay

Taty aoriana anefa izaho no nangaina
Fa tsy nahay nitia ka gina sady maina
Ny fiainako mangitsy fa nilaozany any
Ny hafanana teto nafindrany any ho any.
--------