Farafarano (Black Jack's)

Sao verivery foana ialahy lehiroa ka tsinjovy ihany ny andro aoriana
Ny revy ho vita ihany tokoa fa ny zava-misy tsy azo idifiana
Ny lalana hahatafita anie ka efa miha-tery
Ny ho avy ity tsy fantatra fa toa misitery
Sao verivery foana ialahy lehiroa fa ny miaina tsy azo atao tsianjery

Sao miady irery foana ialahy lehiroa ka aza atao ny mitompo teny be loatra
Ny avonavona tsy misy tombontsoa, ka aleo misaina tsy hanova voatra
Raha sendra mba tafita ka azo izay nokendrena
Tsarovy ihany lesy izay mba valimbabena
Tsy tonga irery teto ialahy lehiroa ka mahaiza manome fa nomena

Indray mandeha dia indray mandeha ihany anie ry zandry
No andalovana eto ambonin’ny tany
Ialahy no hitsara, tsy ho ratsy fiafara
Ny harena rehetra azo ikimpiana anie ry zandry fa ny fahendrena tsy mba vidiana
Ka faraparano tsy idiran’angano.
Sao matimaty foana ialahy lehiroa ka ampiasao ny saina fa tsy ny fo
Ialahy no ataony sorona ho voa ka ny hafa ve no mioty ny soa ?
Raha tojo izay tsy mety izy tsy misy hifaharana
Ialahy izay rakotra ao no ataony tohatra iakarana
Sao matimaty foana ialahy lehiroa ka ampiasao ny saina fa tsy ny fo

Indray mandeha dia indray mandeha ihany anie ry zandry…

Sao petsapetsa foana indry ry bavy ka mahaiza mba mibanjina ny ho avy
Ny ditra anie mitsaingoka dia lasa fa raha misy kitra indry no mifafa
Raha voa indry mandatsa tena irery any aoriana
Mihataka amin-dry hatramin’ny fianakaviana
Sao petsapetsa foana indry ry bavy ka izao dia lany zara sahady

Indray mandeha dia indray mandeha ihany anie ry bavy
no andalovana eto ambonin’ny tany
Indry no hitsara, tsy ho ratsy fiafara… sns
--------