I NENY MARIA - APKM (Re) (APKM (Antsa-Piderana Katedraly Mahajanga))

1) Vonin-draozy maniry eny an-tsaha
Mahate-hamofona, mahate-hizaha!
Ianao Maria ‘lay Reny tokan-tsy roa
Kitapo nifonosan’I Jesoa
Ny hanitrao mamerovero
Ny fofonao manetoe(to)
Feno fitia I Neny Maria
Raha mba azoko natao ny niondana kely an-tratranao
Mba hiantahanta amin’ny Renin’Andriamanitra
Neny Maria ô! Mivavaha ho anay
Mangataha amin’I Jesoa Zanakao: hotahiany izahay e!

2) Tiako I Neny nahitako masoandro
Tsy maintsy tsaroako isan’andro isan’andro e!
Fa I Neny Maria Renin’I Jesoa
Tiako dia tiako ihany koa
Ny hanitrao mamerovero
Ny fofonao manetoeto
Feno fitia I Neny Maria
Raha mba azoko natao ny niondana kely an-tratranao
Mba hiantahanta amin’ilay Renin’Andriamanitra
Neny Maria ô! Mivavaha ho anay
Mangataha amin’I Jesoa Zanakao: hotahiany izahay e!

3) Rotsirotsio aho Neny ô! Tambatambazo aho Neny ô!
Trotroy aho ry Neny, babeo aho ry Neny
Fa mila anao izaho zanakao
Safosafoy aho Neny ô! Rotsirotsio aho Neny ô!
Trotroy eo an-tratranao zahay
Neny Maria ô! Mivavaha ho anay e!
Omeo teny mamy aho Neny ô!
Ankaherezo aho Neny ô!
Ry Neny Maria ô! Efa lany ny divay
Ry Neny Malala ô! Mivavaha ho anay!
--------