FANAHY MASINA O! (Anjomaran'ny Fitiavana)

Fanahy masina ô, midina eto izao
Ô mitoera aty anatinay
Fa tonga izao, 'lay andro efa nambara
Hoe ho avy Ianao, mpananatra anay
Mampianara anay hifona
Hampahatsiaro anay ny teny tsara
Ô hamasino ho mendrika tokoa
Fa lehibe ny voninahitrao

Fiv:
Fanahy masina ô, mba manampia
Aoka hiroso hatrany anie ny dia
Ry olombelona ô mba mihainoa
Miantso antsik'ho amin'ny fanjakay Izy
Miandry antsika hatrany anie Jeso

Njay reko izao 'lay feon'ny fanahy
Mibitsika mangina anatiko ao
Miasà mahery hampijoro ahy
Amin'ny zara fanompoana atao
Ampaherezo hanana finoana
Mba hanefako ny asa fanompoana
Ô hamasino ho mendrika tokoa
Fa lehibe ny voninahitrao

Fiv ...

A/C : RAZAFINDRAZAKA Handrisoa
By Hajavolamena
--------