RAHA ALAIN’NY DEVOLY FANAHY (AHL (Antoko mpihira Hanitry ny Lanitra))

1-Raha alain’ny devoly fanahy ianao
Ka tadiaviny avadika ho kilalao
Aza mety fa sao dia mivarina an-davaka
Mijoroa ka reseo fotsiny amin’izao
Miadia ka asandrato ary koa ingao
Ny baiboly ka tohero ao anatin’ny vavaka
Dia fadio ny mamerina fahotana
Sao manjary ho naman’ireo satana
Miovà meteza ho olom-baovao
Jesoa ao aminy no misy ny soa
Miorina mafy tokoa
Tsy manan’izay faharoa
Izy ilay miaritra ny fijaliana
Nanaiky ny ampahoriana
Hanavotany anao tsy ho voa

2-Raha alain’ny devoly fanahy ianao
Ka tadiaviny avadika ho kilalao
Mifohaza fa aza dia mba resintory
Mitsangana fihino ary koa lazao
Ireo teny voalazan’ny Tomponao
Dia mihodina ka aza miherika akory
Dia araho ireo didy ary koa lalaina
Izay nataon’ilay zoky fa tsy satana
Miovà fa aza manaiky ho reseny
Jesoa, efa nomeny ny ràny
Hanavotany ny ety an-tany
Fitiavana tsisy ohatr’izany
Izy ilay niaritra ny fijaliana
Nanaiky ny hampahoriana
Hisantarana ilay fifaliana
--------