TSY HOHADINOINAY ('Zay)

TSY HOHADINOINAY

Raha izao fiarahantsika izao,
Indrindra ireo zavatra natao ;
Sahinay milaza ankehitriny,
Ouh! Ouh! … tsy hohadinoinay

Ireo andro feno fifaliana,
Ireo ora izay toa nijaliana,
Nefa izaho sy ianao tsy nifandao
Ouh! Ouh! … tsy hohadinoinay

Fa fahatsiarovana hitoetra,ao am-pontsika rehetra
F’izao fiarahantsika izao tsy mba ho lao!
‘Sika rehetra any afara,dia samy hikalo, hitantara
hoe nisy fiainana taloha toa soa tokoa!

Koa ndeha samy hanandratra ny feo ,
Fa raha izaho sy ianao tsy mba ho leo,
Dia samy hikalo sy hihira hoe:
“Ouh! Ouh! … tsy hohadinoinay “

Rehefa any aoriana any,
Raha mbola velon’aina ihany
Dia averina eto indray ‘reo fahizay
Dia samy hikalo, hitantara
Amin-janaka amam-para hoe:
“nisy fiainana taloha toa soa tokoa!“

… tsy hohadinoinay
… tsy hohadinoinay!
--------