Savolaina (Silo)

'Ndray maraina, somary savolaina
Vao nifoha, narary ny an-doha
Niezaka nanokatra ny saina
Ny omaly adinony avokoa

Dia nandray sigara vaovao
Hitadidy ny lasa rehetra tany
Tsy hay intsony mantsy izay natao
Ny tany ambony lasa tany ambany

Haka kely, hitroka kely indray
Rivotra iainana any anaty
Avelao izy indraindray
Fa iny izy no mahafatifaty

Diso be, ratsy koa ny ataony
Fa ny marina tsy hita eto an-tany
Ireo hira sy reo zay fanaony
No hamafana izany adalany izany
--------