Sangisangy Alakamisy Hariva (Njila)

Sangisangy fotsiny ihany
No nandraisako ny tananao
Sangisangy fotsiny ihany
Ireo toky rehetra izay nomeko anao
Sangisangy fotsiny ihany
No nilazako fa tiako ianao
Sangisangy fotsiny ihany
No niarahako taminao

Tsy ho avy intsony aho
Hitsena anao eny an-jaridaina
Tsy hifoha intsony aho
Hanatitra anao raha vao maraina

Tsy hangetaheta intsony aho
Hiandry ny Alakamisy hariva
Andro fahitako anao
Teo an-kamorin’ny fitia (2x)

Tongatonga ho azy teny
Ireo laingalainga fambarako anao
Tongatonga ho azy teny
Ireo toetra ratsy tsy mba nafeniko anao
Tongatonga ha azy teny
No nilazako fa tsy tiako ianao
Dia tongatonga ha azy teny
Ilay andro iray izay nandaozako anao

NJILA
--------