Iantrao (Mahaleo)

Iantrao fa aza rikoriko
Sanatria tsy fanahy niniako
No nahatonga ahy ho toa izao

Iantrao fa ny hazofijaliako
Mavesatra fa nikimpiako
Raiso tanana aho raha azo atao

     Mahantra aho, tsy mitafy mandry fotsy
     Ory fitia sy rotsirotsy,
     Ka mba manantena anao

     Mahantra aho, ny fiainako mikororosy
     Manitsaka ahy izay te hanosy,
     Asa raha toa ireny koa ianao

Iantrao, ny hambom-poko efa nariako
Izay mba mety ho faniriako
Nailiko tsy ho hitanao

Iantrao, ny hajanao no kajiako
Ny ho namanao no mba tiako
Mba ampio raha sitrakao

     Mahantra aho nefa aza indraindraina
     Fa manjary ady ilaina
     Ireo tsipi-teny atorakao

     Mahantra aho nefa mendrika hajaina
     F’efa manao vy very ny aina
     Miasa fa tsy milalao

Mahantra aho, mareforefo osasosa
Fa fahoriana miavosa
No babeko an-damosiko ao

Mahantra aho, fa ny anao kosa
Tsy misy izay tsy tontosa
Ireo nofinofinao
--------