TSY MANAM-PAHATAPERANA NY FITIAVANA (Groupe MANRESE)

1- Ny finoana an’Andriamanitra
No antoka ahazoana ny tena fiainana.
Tsinontsinona anefa ny olombelona,
Rehefa tsy entanim-pitiavana.

Tsy manam-pahataperana ny fitiavana,
Ny finoana sy fanantenana, dia avy aminy.
Tsy manam-pahataperana ny fitiavana,
Izy telo ireo no mitoetra,
Fa ny fitiavana (2) no lehibe indrindra.

2- Ny fanantenan’olombelona
Dia mba ho tody am’ilay nampanantenan’ny Ray.
Tsinontsinona anefa ny fiainana
Rehefa tsy entanim-pitiavana


3- Ny fitiavana marina tokoa :
Faharetana, mora fo,
ary koa mahafoy ny tena.
Tsinontsinona anefa ny asantsika
Rehefa tsy entanim-pitiavana.
--------