Tsy miraharaha (Mahaleo)

TSY MIRAHARAHA

Tanety dorana, tsy miraharaha
Arehitra ny ala, tsy miraharaha
May ny tanindrazana, tsisy miraharaha
Ny hoavin’ny taranaka,  tsy miraharaha
O ry aba, o ry endry
Ny hamono antsika ange tsy mba basy velively
O ry aba, o ry endry
Tsy mahatsiaro tena isika, mihamaty tsikelikely

Risoriso manjaka, tsy miraharaha
Izay osa voadaka, tsy miraharaha
Ny efa matanjaka, tsy miraharaha
Sondriana mitrandraka, tsy miraharaha
O ry aba, o ry endry
Safiran’Ilakaka tsy hita velively
O ry aba, o ry endry
Saingy afa-drakotra izao ny tantely
O ry aba, o ry endry
Ny harena an-kibon’ny tany tsisy mitsisy velively
O ry aba, o ry endry
Ny taranatsika re mba amelao kely

Ny fiarahamonina, tsy miraharaha
Aleony mionona, tsy miraharaha
Lasa fomba fanao ny tsy miraharaha
Isika Malagasy lasa tsy miraharaha
O ry aba, o ry endry
Tena loza ity isika Malagasy anie ho very
O ry aba, o ry endry
Vola indray izao no solon’ny fanjakana manan-kery
O ry aba, o ry endry
Tena loza ity isika Malagasy anie ho very
O ry aba, o ry endry
Ny vola indray izao no solon’ny raiamandreny to teny

O ry aba, o ry endry
Soa ihany fa mbola misy anareo miraharaha
O ry aba, o ry endry
Soa ihany fa mbola misy zanakareo miraharaha
--------