Ray sy zanaka (Mahaleo)

Dia lasa indray, ity reninao
Milaza fa tena handao,
Mikasa ny tsy hiverina intsony,
Fa tofoka hono ny fony, oooo...

Tsy tantiny intsony ny fahantrana,
Ka lasa izy tsy tamana
Nitady toeran-kafa vaovao,
Mba tsaratsara noho izao, ooo...

Efa nataoko izao azo atao,
Hamalifaliana ny reninao,
Saingy toa tsy tsapany izay vita rehetra,
Ny sitrapony, tsy manam-petra, ooo...

Isika mianaka no tavela irery,
Voatery hifampijerijery,
Ary koa, hifampikarakara,
Ka aoka hifanaraka tsara a, ooo...

Koa raiso ho namana aho
Fa raha mbola misy ny azo atao
Tsy ho diso anjara mihitsy ianao
Raha misy hery ao anatiko ao

Koa matokia izany menaky ny aiko,
Ny anjara adidiko tsy maintsy ho vitaiko(2)

Nefa ny tany mihodina hatrany
Mifandimby ny mangidy sy ny mamy
Nefa aoka isika samy hino
Fa ny reninao tsy manadino

Varavarana no avelao hivoha,
Toy izany koa re ny fo
Miandry ny andro hiverenany indray,
Ho tafahaona, ho tafaray, ooo....

Koa matokia izany menaky ny aiko,
Ny andro hiverenany no mbola antenaiko(2)
--------