Mpivarotena (Mahaleo)
(Nalaina tao amin'ny tononkira.serasera.org)
Izahay izao no aretina ilainaPoizina mampody aina
Tonga dia azo ampiasaina
Mivoha mandra-maraina
Eva an-tsahan’i Edena
Ny vatanay no paoma hazo mena
Manana namana, namana menarana
Azo anaovana izay rehetra norarana
Raha toa ianao mahatsiaro ho Adama
Mandrosoa, mihinàna, manandrama
F’izay tsy tia aleo hirediredy
Fa ts’isy bedy
Izahay izao efa noratraina
Nofy izay hitanintaina
Na reraka aza, na koa savolaina
Nofy izay hitaraina
Ka na zovy hibedabeda
Ny aty vonona hampiredareda
Misy ory, oriory safosafo
Ny aty vonona handrehatra afo
Tsy mihomehy izay mety ho kilema
Na manavaka noho ny harena
F’izay mmitady dia ho voaray
Po tahaka izay
Izahay izao toy ny hôtely
Milahatra ianao dia mba miandry kely
Fa samy, samy hahazo ny anjarany
Na tokan-tena, na efa manambady
Na antitra, na mbola tomady
Na ny efa zatra, na ny tsy mbola mahay
F’izahay tsy mila hatsojay
Satria izay no asanay
-----
Rehefa voky fa avy nanapatra
Dia lasa mandao ny latabatra
F’izahay mbola voatery hamafamafa
Hihinanana, hidiran’ny hafa
Toy ny vary, toy ny vary mitsangana
Ny vidiny dia tsy mba midangana
Nefa toa mampilendalenda
Mahatonga rora an-tenda
Ho anay tsy fahafinaretana
Asa ka dia iaretana
Mpanome fa tsy mba mandray
Tsy mandà izay mitady
Na antitra, na mbola tomady
Na ny efa zatra, na ny tsy mbola mahay
F’izahay tsy mila atsojay
Satria izay no asanay
Marina fa tsy asa môdely
Nefa iny misy indro kely
Asa tsy ataotao foana
Na dia tsy mila diplaoma
Fa asa tsy vita moramora
Ka aoka isika tsy hifanakora
Fa asa toy ny asa rehetra
Ka aoka isika tsy hifampitsetra
Ny vatanay efa torotoro
Indraindray hila tsy hahajoro
Nefa adino ny hirifiry
Mbola mikiry
MAHALEO
--------
Link:
