IFONAKO (AFI (Antsan'ny Fahazavana Itaosy))

Ny hadisoana efa vita Tompo ô,
Na ireo ratsy indrindra izay natao
Tsy mba takona aminao, indreo efa diso fantatrao
Tena hadalana re ny ahy raha mitoetra amin’ny  ratsy foana
Fa ny voninahitrao manjary voaloton’ny otako
Raha mitodika ny lasa aho zary menatra anao
Satria aho tsy mba nahay ny namaly soa anao
Ny tsy mety foana re no hitanao hatramin’izao
’Lay feonao izay nananatra ahy toa tsy nahoako
Ry Zoky!
Trotraky ity zandrinao, e resin’ny natao
Inty mitady anao, Jesosy ô!
Fa ny vitako taloha dia neniko tokoa, ifonako ry Zoky!
Mbola averiko eto indray ny voadiko aminao
Izaho tsy hanindroa ho zandry izay hanoa
Anao be indrafo, Mifona aho

Ireo heloko nandratra anao e,
Nitondranao fijaliana Tompo ô
’Zao vao tsapako tokoa fa hay moa toa fandavako anao
Ireo tsy fantatro ho ota akory
Na izay niniana ka natao,
’Ndreo mitambatra tokoa nanjary voafantsika aminao
Raha mitodika ny lasa aho zary menatra anao
Satria aho tsy mba nahay ny namaly soa anao
Ny tsy mety foana re no hitanao hatramin’izao
’Lay feonao izay nananatra ahy toa tsy nahoako ry Zoky!
Trotraky ity zandrinao, e resin’ny natao
Inty mitady anao, Jesosy ô!
Fa ny vitako taloha dia neniko tokoa, ifonako ry Zoky!
Mbola averiko eto indray ny voadiko aminao
Izaho tsy hanindroa ho zandry izay hanoa
Anao be indrafo, Mifona aho
--------