DITSOKA (Olombelo Ricky)

Ditsokao lasa ny fony ontsaontsa ny fanahy
Toa tafara-dalana teny, tsy mitovy ny ahiahy
Izay rehetra jerena ataony toa mampiahiahy

Naverimberiny eo matetika foana hoe
Ireo ratra napetrakao taminy
Ataony resak’isan’andro mihitsy fa hoe
Ny fonao ho anazy fa tsy nindraminy

Mila odiaina ny fony ho  ataony ody fanina e
Dia hitondray vakana any izy fenoy raha milamina
Fa mila odiaina ny fony f’ianao mody fanina e
Dia hitondray vakana any izy fenoy raha milamina

Tsy mety afaka ao an-tsainy mihitsy intsony anie
Ilay nofy nitambaranareo farany
Manenjika manaloka azy teny foana anie
Ilay fofonao manitra fitiavana e

"Omaly sasakalina dia nisy fo iray, nendahan’olon-tiany teny an-dalamben’ny nofy,
Ny akoran’ny fitiavany dia atao veloma farany eny ambony mpamoronakonaron-javatelony
Tsy misy voninkazo fa tsy maintsy misy fiaretan-tory,
Ka ny fasanao no fasany, indray aleviny aminao,
Na ny ho avy na ny lasany, nefa ity no tadidio,
Ny zavatra efa vita, isasahana mitovy, na ny tsiaro na ny tsiky na bitika io na ditsoka
Na ditra lasa ditsoka"

Ditsoka aho lasa ny fony, ontsaontsa ny fanahiny e
Difotra aho lasa ny fony misaona ny fanahiny e
Tafara-dalana teny fa tsy mitovy ny ahiahy
Zà tsy very amboroa, Zà tsy very fanahy (2)

Very fanahy

Tomany any aho tomany  mba tsy ho difotra ny ampitsoko....

Olombelo Ricky "ODIAINA-2006"

(Ricky-Dina)
--------