Tsy anomezako tsiny anao (Abel Andriarimalala)

Tsy anomezako tsiny anao, ilay ianao mihafahafa
Toa te hiteny hanatsafa sy te hamboraka fitia

Tsy anomezako tsiny anao, ilay ianao mahasahisahy
Nikasa ny hanoroka ahy; kinanjo nikaviavia

Tsy anomezako tsiny anao ny resakao kidaladala
Ny tafanao kivalavala; ny hevitrao naniasia

Tsy anomezako tsiny anao, ireny rehetra rehetra ireny
Indrindra ianao ilay tsy niteny; tsy diso mihitsy ianao satria

Tia ahy ianao saingy nangina;
Fa nanahy ny tsy ho tiana;
Sy ho voatosi-tanan-droa

Ny hambom-ponao te-hiala;
Fa ny fitiavanao adala;
Nanantena anakam-po.

Fa ny anomezako tsiny anao, d’ilay ianao nihafahafa
Toa te-hiteny hanatsafa sy te-hamboraka fitia

Ary anomezako tsiny anao ilay ianao mba sahisahy
Nikasa ny hanoroka ahy; kinanjo nikaviavia

Mbola anomezako tsiny anao ny resakao kidaladala
Ny tafanao kivalavala ny hevitrao naniasia

Eny anomezako tsiny anao ireny rehetra rehetra ireny
Indrindra ianao ilay tsy niteny; disoiko mihitsy ianao satria

Tia ahy ianao k’aza mangina
Mitenenana re ho tiana
Sy ho raisin-tanan-droa

Izaho koa anie nahalala
Fa efa niandry anao malala!
Niandry anao anakampo
--------