Fa taiza ange ianao ? (Abel Andriarimalala)

(Nalaina tao amin'ny tononkira.serasera.org)
Fa taiza ange ianao …?

Fa taiza ange ianao tamin’ny fotoana nifanaovantsika

No izao rehatra izao no nanjary foana sady nangatsiaka ?

Ny vorona nihira sy nanafosafo ny onjan-drano soa,

Izaho voarirarira kila main’ny afo natsangako taloha !


Fa taiza ange ianao, nony ampitson’iny no tsy hita nieloelo ?

Ataoko ity fanao ny mody miala tsiny hanala ny alahelo ?

Ny olona efa nandry fa hoe ampy izay ny vita sy natao,

Izaho mbola niandry sao diso andro iray ny tamin’ny diarinao.


Fa taiza ange ianao, no afaka herintaona, mbola tsy hita ihany ?

Tanteraka nandao ka efa mendri-tsaona sa mbola tany ho any ?

Ny namako onena, nangataka ahy, niangavy hitady vaovao,

Izaho nanantena fa tsy maintsy ho avy ianao na ny alokao !


Dia folo taona izao, inty aho mitsinjo ihany ny faravodilanitra,

Fa mbola any ianao, mbola any ho any, mamy sady manitra !

Izaho manganohano mijery ireo antsanga miaraka amam-pako,

Manara-moron-drano sao manangasanga ianao Fahazazako.


Feony: Abel Andriarimalala
Tonony: Abel Andriarimalala
Mpihira: Tarika Abel Andriarimalala
--------
Rohy:
Hametraka hevitra
Midira aloha
Momba ny hira
Mpihira : Abel Andriarimalala
Vangy : 72
Mpankafy : 0 Ankafizo
Nampiditra : Kalofahiny
Daty : 10/01/2025 16:30
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2025 - page load 0.207