TIAKO NY MOZIKA (Solomiral)

(Nalaina tao amin'ny tononkira.serasera.org)
TIAKO NY MOZIKA

Tiako ny mozika e! Tiako ny mozika
Tiako ny mozika e! Tiako ny mozika

Raiso ny valiha, etsy ianao mandihy
Tsofy ny farara fa zanaka amam-para ianao
Tendreo ny kabôsy, tsy sarotra, araraoty
Rangoty ny marovany, handoko ny akany

Tiako ny mozika e! Tiako ny mozika
Tiako ny mozika e! Tiako ny mozika

Tsofy ny anjomara, henoy ny tantara
Ny sodina no tano, hanala hamohamo
Veleso ny kipantsona, mahaiza mba mifantina
Dia kaloy ny hirantsika, fa tiako ny mozika

Ny mozika, tontolo iainana fameno ny fisainana
Ny mozika oroka mangina ho an’ilay olon-tiana
Ny mozika fihavanana sy vavaka tsy mba havakavaka

Tiako ny mozika e! Tiako ny mozika
Tiako ny mozika e! Tiako ny mozika

Lalaovy ny gitara fa be ny te hahalala
Didio ny lokanga araho feo manga, feo manga izy e!
Io ny angorodao , latsi-tanana atao
Dia kaloy ny hirantsika fa tiako ny mozika

Ny mozika : tsy ady politika, tsy mba rà mandriaka
Ny mozika tsy aretina maharary fa tolo-janahary
Ny mozika tsy varatra alatsaka, fa namana sy tapaka izy

Ny mozika ! ……
--------
Rohy:
Hametraka hevitra
Midira aloha
Momba ny hira
Mpihira : Solomiral
Vangy : 2526
Mpankafy : 0 Ankafizo
Nampiditra : Jonathan ANDRIAMANANTENA
Daty : 25/05/2003 16:38
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1191