Sangy Mahery (Rebika)

Mivarahontsana, montsamontsana ny foko kely
Somary efa jambena, ianao mihenahena
Mankaiza ary ity izy
Misy mafy hatoka sy akoho voakapoka
Eny amin’ny sisiny
Efa miteny irery, ho izy sa ho very
Mivoaka miditra aza boredika ny vava
Marary an-doha

Ny vanin-taolako avy mangotsoka aoka izany
Miandry an-dry
Fa andro maromaro vao afa-mifangaro
Ela ery !
Adala aho tsindrian-daona, fangala-piery foana
Manirikiry
Roanjato isa-minitra ny fidoboky ny fo
Aponga kely vita, fa babo angamba moa
Fay ialahy vao voa.

Ref :
Ny afom-pitiavana nisoko ao an-tratrako ao
Tamana e !
Ny filafilanao miteny tsotra izao
Ekena e !
Ny onjanao mahery, fanahiko efa ho very
Bedaina aho dia atosika satria potipotika

Ilay orokao mangina natao fihantsiana
Hadinodinonao
Porofon’ny fanekena tsy nifanerena
Tsiambaratelo kely, hay zava-mahery

Ref :
Ny afom-pitiavana nisoko ao an-tratrako ao
Tamana e !
Ny filafilanao miteny tsotra izao
Ekena e !
Izaho mangidihidy, ianao fanalahidy
Masaka no tanjona, k’odianao mianjonanjona

Auteur : REBIKA - Compositeur REBIKA - Album VOL 6
--------