Mbola tsy mora (Rebika)

Misy afo mivaivay
Izay mba tokony hovonoina
Nandoro ahy izay ela izay ka ilako anao
Fo manam-pery anankiray
Mba iriko raha tsaboinao
Nampijaly ahy hatrizay
Iangaviako anao

Fa mbola tsy mora ny hamono
Ilay afo mahamay
Ampio re raha mba misy fitiavana
Fa mbola tsy mora ny hitsabo ahy
Matoa aho toy zao
sento kely tsindraindray dia mandratra fo
Toa ataony tsy afa-bela hoverezin-jo

Misy tantara iray
Efa iniako tsy hotsaroana
Anaty alim-pito aho vao injay mitamberina
Tandindon’izay olona izay
Hadinoina nefa tsiahy.
Adim-piainana voaray taona maro izay

Fa mbola tsy mora ny hamoha ilay fatomatinay
Hatramin’izao aho tsy mety mino  hoe
Rava ny anay
Fa mba tsy mora ny hanolo azy
Satria hatramin’izao
Mbola reko mamelovelo ao ireo taloha
Mbola injao fa mihelohelo fa tsy mety hifoha
--------