Asakasakareo (Ramaroson Wilson)

( hira rodobe )

Dobodoboka fomban’amponga
Tabataban’ny maro kilonga
Asakasakareo tsy mba tonga.

Horakoraka anjaran’akanga
Kalokalo fanaom-boromanga
Asakasakareo tsy mitranga

Doladola ny fomban’ny hazo
Siontsioka fanaon-tsarivazo
Asakasakareo manam-bazo

Jononokan’ny erika an’ala
Patrapatrak’ilay patrak’ala
Fendrofendro fa lavi-malala
Fendrofendro fa lavi-malala

Dinidinika sy salasala
Hafatrafatra anao sombinaina
Ontsaontsa fa mani-maraina

Erinerin’Ankaratra ihany
Olonolon’Andringitra izany
Ka asakasakareo, asakasakareo any ho any
Sasasasan’ny rano ariana
Olikolika be fiviliana
Asakasakareo saingy tiana.

( miverina in-2 ny hira manontolo )
--------