Lasa mpihira daholo (PRINCIO)

Fa lasa mpihira i Rakoto, dia lasa mpihira i Rabe
Dia nihira koa i Madama, dia nihira koa i Ramose
Ka indro nahita an'izany, dia nihira ny iray fokontany
Ka tsy olona ambony tsy ambany dia nihirahira fahatany

Dia nihira koa i Georgette, dia nihira koa i Paquerette
Tao anaty fotoana vetivety, dia feno artista ny tampon-tanety
Ka na mety ilay izy na tsy mety, dia avoaka CD sy kasety
Sitrany ahay mba ho lasa vedety, hipoitra gazety sy amin'ny internet

Sitrany ahay heno amin'ny radio, sitrany ahay miseho tele
Dia mandeha manao studio, mihira daholo ny daholobe
Dia nihira ny mpanao afera, dia nihira koa ny pasitera
Ny evangélique ery midera, ny tropical ety mampiseho deriera

Izany Rakoto ny aty aminay
Lasa mpihira avokoa izahay
Na mahay io na tsy mahay
Ilay zava-kanto mba tokony hilay
Ataon'ny sasany ala safay
Tena mahasosotra mampikolay

Izany ho'aho ry Dada no aty aminay
Toa mpanakanto avokoa izahay
Na mahay io na tsy mahay
Ilay kolontsaina mba tokony hilay
Ataon'ny sasany ala safay
Mampikolay tena mahasosotra e

Dia nihira koa i Théophile, dia nanaraka koa i Basile
Lasa style-n'ny aty amin'ny ville hoe te ho artiste daholo ny kill
Isan'andro mandritry ny taona, dia misy mipoitra eny foana
Izay antony tsy hay hoe ahoana, fa mihira avokoa izay tsy moana

Dia nihira koa i sipabe, izay ratsy feo fa tsara fe
Efa tazana tamin'ny tele, mampandihy fitombenana be
Fa ny sasany manao clip e, dia tsy vitan'ny mitsikitsiky e
Fa tena tsy menatra mihitsy e, fa asehony hatramin'ny slip e

Sanatria aho raha manisy sira, tsy maneso na maniratsira
Fa misy sasany amin'ireo hira no mampi-te hanary any anaty zôridira

Izany Rakoto ny aty aminay
Lasa mpihira avokoa izahay
Na mahay io na tsy mahay
Ilay zava-kanto mba tokony hilay
Ataon'ny sasany ala safay
Tena mahasosotra mampikolay

Izany ho'aho ry Dada no aty aminay
Toa mpanakanto avokoa izahay
Na mahay io na tsy mahay
Ilay kolontsaina mba tokony hilay
Ataon'ny sasany ala safay
Mampikolay tena mahasosotra e

Izany Rakoto ny aty aminay
Lasa mpihira avokoa izahay
Na mahay io na tsy mahay
Ilay zava-kanto mba tokony hilay
Ataon'ny sasany ala safay
Tena mahasosotra mampikolay

Izany ho'aho ry Dada no aty aminay
Toa mpanakanto avokoa izahay
Na mahay io na tsy mahay
Ilay kolontsaina mba tokony hilay
Ataon'ny sasany ala safay
Mampikolay tena mahasosotra e

Ilay zava-kanto mba tokony hilay
Ataon'ny sasany ala safay
Tena mahasosotra mampikolay
Ilay kolontsaina mba tokony hilay
Ataon'ny sasany ala safay
Mampikolay tena mahasosotra e
--------