Eo anilanao (PRINCIO)

(Nalaina tao amin'ny tononkira.serasera.org)
Rehefa eo an-tratranao aho dia ravoravo o
Falifaly mihirahira mivazovazo
Na mandreraka mamizana aza ny fiainana an-davanandro
Rehefa eo an-tratranao aho toa azoazo
Fa ny eo an-tratrananao dia maharavoravo
Tena maharavoravo

Rehefa lavitra anao aho toa mivarilavo
Goragoraka toa lozotra malazolazo
Tsy mahita andro mihiratra toa manjombona ts’isy masoandro
Rehefa lavitra anao aho dia mivarilavo
Fa ny eo an-tratrananao no maharavoravo
Tena maharavoravo


Ref.
Ka aza avela irery fa tsy mba manan-kery
Fa mora mikodia mora lavo o
Fa toa ny zazakely izay tsy mahasara-dreny
Ka mila omena nono isan’andro o
Satria dia zava-poana
raha fanoto ts’isy laona
Fa toa tsy lavorary mavomavo o
Ka mila anao foana
Ianao mandavan-taona
Hitondra izay anjara masoandro
Satria ianao ilay hany vatofantsika mafonja
Izay manohana ny foko tsy ho lavo
Ka raha ianao no tsy eo
dia hilentika angamba ny sambo
Ka n’inona n’inona miseho
Dia aza mihetsiketsika eo e


Rehefa tsy eo an-tratranao aho dia oriory e
Valavalaka toa maloka be sorisory e
Mifendrofendro isan-kalina vandravandra tsy mahita tory
Rehefa tsy eo antratranao aho toa oriory
Fa ny tsy eo antratranao toa manorisory
Tena marina izany
Rehefa eo antratranao aho dia ravoravo o
Falifaly mihirahira mivazovazo
Na mandreraka mamizana aza ny fiainana an-davanandro
Rehefa eo an-tratranao aho toa azoazo
Fa ny eo an-tratrananao dia maharavoravo
Tena maharavoravo

Ka aza avela irery ...

Rehefa eo an-tratranao aho dia ravoravo o ...
--------
Rohy:
Hametraka hevitra
Midira aloha
Momba ny hira
Mpihira : PRINCIO
Vangy : 10286
Mpankafy : 3 Ankafizo
Nampiditra : hery
Daty : 18/04/2007 14:28
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0115