TSISY TSINY (Njila)

(Nalaina tao amin'ny tononkira.serasera.org)
Zovy no tsy mahalala fa ny fitia tsy lalao?
Zovy no tsy mahafantatra fa tsy ahy ianao?
Nahoana re no misy fitia tahaka izao?
Sangisangy mihoatra ny loha saingy natao
Raha mbola misy ny fahazavana
Na dia mbola eo ihany ny hatanorana
Fitia toy izao dia fitia nangalarina
Ka tsy maintsy hasiana fitsaharana

REF Misaotra anao aho fa tena nahita
Fahafinaretana ary alahelo tsy vita
Aza hialanao tsiny, f’izaho koa nahatsapa
Fa fitia dieny voalohany efa voakapa
Loza no mety hitranga raha mbola tohizina
’Zao fiarahantsika izao fa sao lasa maizina
Ny fiainana ’zay miandry antsika any aoriana
Avelao aho ho irery hieritreritra mangina

Zovy no tsy mahalala fa ny fitia tsy lalao?
Zovy no tsy mahalala fa tsy ahy ianao?
Nahoana re no misy fitia tahaka izao?
Sangisangy mihoatra ny loha saingy natao
Iny, ry namako iny, mandehana mankany
Fa ny mendrika ho anao dia ny miaraka aminy
Manaova toy ny anareo irery no eto an-tany
F’izaho kosa ho aloka miserana ihany

REF

NJILA
--------
Rohy:
Hametraka hevitra
Midira aloha
Momba ny hira
Mpihira : Njila
Vangy : 3240
Mpankafy : 0 Ankafizo
Nampiditra : Linah D
Daty : 12/07/2003 11:50
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.4947