Hafatra (Naly Rakotofiringa)

(Nalaina tao amin'ny tononkira.serasera.org)
(Duo lahy sy vavy)

Io ilay vorona mivimbina hafatr’ho anay
Tonga soa, ny hafatra koa dia voaray
Any ampitan-drano mantsy no misy azy ireo
Ny endriny miafina fa heno kosa ny feo

Vorona ô, mahita ireo havan-tsy foy
Modia ianao ka dia mba kalokaloy
Raha misento hoe ny any, ny aty mitomany
Mbola hihaona any indray andro any

Izy vitsika momba kitay
Lasa lavitra avy eto aminay
Izahay nilaozan-tsakaiza
Te handeha nefa tsy afa-mankaiza
(mpihira vavy ihany no mihira manomboka eto ; ny mpihira lahy manao huuummm.....;)
Izy mipitrapitra irery
Dia mihevitra tena ho very
Izahay maniry ho any
Nefa lavitra loatra ny tany

( Mozika piano fotsiny manao ny feon’ny "Ilay vorona...."
hatreo amin’ny "....miafina fa heno kosa ny feo" )

(miaraka duo indray eto)

Vorona ô, mahita ireo havan-tsy foy
Modia ianao ka dia mba kalokaloy
Raha misento hoe ny any, ny aty mitomany
Mbola hihaona any indray andro any.
--------
Rohy:
Hametraka hevitra
Midira aloha
Momba ny hira
Mpihira : Naly Rakotofiringa
Vangy : 6465
Mpankafy : 0 Ankafizo
Nampiditra : RAZAFINDRANAIVO Harilala
Daty : 29/08/2003 10:24
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0716