ILAY TANANA (MIARA)

ilay tanana nahabe ’zay nilalaovana taloha
tsy ho hadinoko tsy atakaloko
na dia efa nialana aza mbola hiverenana
ka hataoko hira ilay tanànako
           eo atampon’ny havoana mora tazan-davitra
           tilikambom-piangonana avo bé!
           manakaiky vatolampy,ka izany indrindra mantsy
           no hanamafy orina ny akaniko
                ref: ilay tanànako,ilay tanànako
                tsaroako foana ,eny na aiza na aiza haleha
                fa ny lalanao raha mandeha miankandrefana
                ilay tanànako dia ho lalovanao
ilay tanana tsotra nefa miaina am-pilaminana
tsara rivotra sy tsara toerana
ireo vahiny izay mandalo aza toa tafapetraka
fa tsy manjaka ao ny hetraketraka
          ilay tanàna nipoiran’ny talenta ananako
          misy tsara misy kanto,misy soa,
          fa vao mitazana azy ianao ,dia velon-kira tsotra izao
          fa raha mandainga aho hoy ianao dia mba lazao
                ref:...
    
                               Tarika  MIARA
                        ( Tantely ANDRIAMIHAJA )
--------