You are here: home > Tononkira > Mahaleo

Tontolo iainana (Mahaleo)

Raha tsy voakolokolo
Dia simba ny tontolo
Hatrany ambanivolo
Raha tsy misalasala
Handripaka ny ala
'Reo hendry mody adala
Raha tsy masaka ao an-tsaina
Fa tsy mamelon’aina
Ny tany karakaina
Tsy mety ho zarizary
Ny fambolena vary
Ho tonga ny mosary

Mirehitra ireo hazo
Manakatra ny lanitra
Manomboka malazo
Ireo voninkazo manitra
Afo mijoalajoala
Mandrakotra ny ala
Tsy ela vetivety
May ny tanety
Mihamaizina izy izany
Tsy hita ilay masoandro
Mihamaizina ny tany
Miovaova ny toetr’andro
Miharingitra ny vohary
Tsy salama tsy marary
Mananontanona sahady
Ny ampitso mafy ady

Tsiky dia ampyFa ny masaka aho an-tsainy
Ny vola no ilainy
Ny ankoatr’izay tsy hainy
Ao dia ao ny lalana
Mifefy ny tanana
Ka tsy azonao ialana

Ref:Aondrany avokoa
    Sokatra sy vatosoa
    Izay misy tombotsoa
    Dia lazainy fa kirizy
    Nefa ny azy ny valizy
    Efa tsy ho omby ireo devise

Izy hono tsy voatery
Mikolokolo
Fa tsy aferan’izy irery
Raha simba ny tontolo
Fa vola no ilainy
Vola no isainy
Vola vola ihany
No mampihodina ny tany
Adidintsika jiaby
Ny mikarakara
Iza ary no hibaby
An’i Madagasikiara
Ny taranaka ao afara ve
Dia nandova tany ngazana
Mba mihevera tsara re
Sao manjavona tsy tazana

Mpihira : Mahaleo
Mpamaky : 8497
Mpakafy : 0 Ankafizo
Nampidirin'i :
Tamin'ny : 05/10/2002 01:03:30
ID : 1091

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Sokajy

Tondrom-peo

Hampiditra tondrompeo