Tia tena tia (Mahaleo)

(Nalaina tao amin'ny tononkira.serasera.org)
Izay lazainao ho ditranao
Tsy mampaninona ahy akory
Fa izay, izay foinao ho ahy
Ho ahy no mba atolory
Satria aho tia, tena tia dia tia.

Raha izay ditra foana
Tsy misy tsy nanao
Nefa atao ahoana fa tanora milalao
Ka aza atao hifanomezan-tsiny
Ny fo tsy vato fa be ny faniriany
Izaho aho tia, tena tia dia tia.

Efa tonga ny andro hifaranan’izany
Akoho ela nitsaingohana
Tsy maintsy drodroka ihany
Ka maniry hisotro ronono amin’izay
Dia hanan-tokantrano mba tena ahy
Ianao no mba norariako
Satria ianao no tiako, tiako.

Ireny tantara fahiny rehetra ireny
Aoka izay mba tsy ho asiana teny
Fa fitiavana, fitia fohy dia fohy
Manangasanga fa tsy nitohy
Ny antsika ho kajiko ianao no tiako, tiako.

Fitiavana ho raketina ho boky
Tsisy resaka afa-tsy fifanomezan-toky
Ho feno sary, sarim-pahasambarana
Ny pejy farany hisy hoe: "mbola tsy mifarana"
Indray andro any fahafatesana ihany
No hamarana izany.
--------
Rohy:
Hametraka hevitra
Midira aloha
Momba ny hira
Mpihira : Mahaleo
Vangy : 5364
Mpankafy : 0 Ankafizo
Nampiditra :
Daty : 17/10/2002 09:16
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2023 - page load 0.072