Tazom-pitia (Mahaleo)

-----
Fa voan’ny tazo ity vehivavy ity
Na ny mpitsabo aza very dia
Noheveriny ho tazo mahery
Na tazo azo tamam-pery

Nony natao ny fizahana
Toa hafahafa ilay hafanana
Tazo ty fantam-piaviana
Vaovao ka tena nahaliana

         Hay izy ity tazom-pitia
         Tsy sitran’izay fanafody
         Mahaosaosa ireo izay voa
         Mampilomay ny fitempon’ny fo

Nivaquine telo isan’andro
Mitsindrona maraina atoandro
Ny fanafody asisika etsy andaniny
Tsy hay intsony izay tsy nohaniny

Ilay hafanana miakatra malaky
Ny terimaometatra aza vaky
Izay natao, ts’isy nandaitra
Ilay hafanana toa tsy taitra

         Hay izy ity tazom-pitia
         Tsy sitran’izay fanafody
         Hoe tsy mba misy fanefitra
         Mihizihizy tsy mety hilefitra

Lany aiky Radoko
Fa sendra aretina mihoko
Izay hoy izy angamba no farany
Fa very an-javona ny hasasarany

Vorio daholo ny havana tiany
Ka tanteraho izay sitrapony
Hajao koa ny faniriany
Mandra-pijanona ny fony

         Ka indro tonga ity lehilahy
         Tonga hamangy fa kilasy iray
         Teo vao niseho ny fahagagana
         Nisinda ho azy ilay hafanana

F’io lehilahy io no nantenainy
Ho fanafody hampody ny ainy
Fa ny azy fitia otrik’aretina
Nihanaka f’efa ela nentina

Fa izy tsy vita vakisiny
Fa fo madio tsy manan-tsiny
Nivesatra tsiambaratelo
Saika nindaosina alahelo

         Izany akia no aretim-pitia
         Tsy sitran’izay fanafody
         Raha vao nijery azy ilay oln-tiany
         Nisinda ho azy ilay fanaviana

MAHALEO
--------