Nenina (Mahaleo)

Efa tara loatra angamba
Vao nisaina
Ity maso efa jamba
Ka mangaina

Efa tery avokoa
ny lalan-kaleha
Ny tenany anefa, efa voa
Ka aleo mandeha

Lala ô inona ary
No mba azo atao
Zaza tsy fanary
Tsy fandao

Zakao ny sitrapo
K’aza mamoifo
Todio izy ireo
ka jereo

toa narian-dray sy reny
nahatsiaro resy
tsisy intsony ireo mpiteny
ka fetsifetsy

tonga ny fakam-panahy
matetika ratsy
vonjeo izy ireo ry lahy
fa lany vatsy

ampio izy ireo
todio sy jereo
fa mangata-maso sy mitoreo

aza omena tsiny
fa tsy mba niriany
ny ho ety an-tany
ka hitomany

Efa tara loatra angamba
Vao nisaina
Ity maso efa jamba
Ka mangaina

Efa tery avokoa
ny lalan-kaleha
Ny tenany anefa, efa voa
Ka aleo mandeha.
--------
Rohy: https://tononkira.serasera.org/hira/mahaleo/nenina
Hametraka hevitra
Midira aloha
Momba ny hira
Mpihira : Mahaleo
Vangy : 12425
Mpankafy : 1 Ankafizo
Nampiditra :
Daty : 13/09/2002 13:04
© serasera.org 1999 - 2022 - page load 0.0634