Ambodiboanara (Mahaleo)

(Nalaina tao amin'ny tononkira.serasera.org)
Velona indray ny anjomara
Misy manafika Ambodiboanara
Misy te-hibata ny amboara
Misy avy any ivelany ny fahavalo
Anisany rivo-doza mpandalo
Fa ny tena ratsy dia ny ady ato an-trano

Horakoraka izany, horakoraka ihany
Ambodiboanara fialokalofana tsara

Ny zava-misy ao Ambodiboanara
Fiaraha-monina mamarara
Dia misamboaravoara
Ny mpanangana dia misy mpandrodana
Ny mpandrodana lasa mpanangana
Samy mifandrirotra samy te-hanana

Horakoraka izany, horakoraka ihany
Ambodiboanara fialokalofana tsara

Ny mpanangana misy mpanohana
Ny mpandrodana misy mpanohana
Misy koa anefa mpiandry kendri-tohana
Mora ny atao hoe fahavalo
Izay tsy zanaky dada dia efa fahavalo
Ny zanaka an-trano anefa tena dahalo

Ambodiboanara, fialokalofan’ireo mamarara
Ambodiboanara, fialokalofana tsara

Ambodiboanara, tanàna manan-tantara
Ambodiboanara, fialokalofana tsara

Raha tafavory ao Ambodiboanara
Vakibantsilana, vakibarara
Iaraha-manana ny mamarara
Ny avy ato anatiny aloha vahana
Ala-olana no ampiasàna
Fokonolona mbola tsy nialàna

Dia teny hierana no hifampitondrana
Ratsimandrava tadidin’ny eto an-tànana

Tsy taitra, tsy maika Ambodiboanara
Tsy taitra, tsy mika nefa tsy tara
Toy ny tanalahy mijery aloha,mijery afara
Tsy taitra, tsy maika Ambodiboanara
Hazakaza-dava tsy ahitana tsara
Hiram-pirenena efa manambara:

Hiadana sy ho finaritra i Madagasikara
Hiadana sy ho finaritra izay vao
Sambatra tsara
--------
Rohy:
Hametraka hevitra
Midira aloha
Momba ny hira
Mpihira : Mahaleo
Vangy : 5850
Mpankafy : 0 Ankafizo
Nampiditra : Bobly
Daty : 02/12/2008 15:23
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 1.3405