Aiza no aleha (Mahaleo)

(Nalaina tao amin'ny tononkira.serasera.org)
Ny fefinao ry tiana sarotra ihanihana
Mangasihasy aho nefa be faniriana
Ny fitiavako tsy tana, tsy voarefy
Mangetaheta ka te hihoa-pefy

Aiza no aleha
Raha toa te hiombona
Fa toa rindrina, rindrim-be
Ny fonao mikombona
Aiza no aleha
Raha toa te hiombona
Fa toa rindrina, rindrim-be
Ny fonao mikombona

Nony ela ny ela tafahanika ihany
Nefa voatery hanivatsiva tokontany
Tao koa nefa ala nikitroka
Nitsapatsapa aho, impiry aho no ditsoka

Aiza no aleha
Toa manjombonjombona
Toroy arabe
F'efa tsy mahatombona
Aiza no aleha
Toa manjombonjombona
Toroy arabe
F'efa tsy mahatombona

Nony tonga teo an-tokonana
Nitady izay fomba azo hanatonana
Saingy vao nanandrana nandingana
Hay mbola nisy zavatra namingana

Aiza no aleha
Ny fonao rindrim-bato
Misy soratra, soratra hoe :
"Tsy azo hidirana ato"
Aiza no aleha
Ny fonao rindrim-bato
Misy soratra, soratra hoe :
"Tsy azo hidirana ato"

Izany nefa tsy nahasakana ahy
Niroso ihany aho, nanao kirin-dehilahy
Kanjo nisy olona iray niseho
Nilefa aho, nandositra toy ny tsy teo

Hay tsy azo aleha
Tsy azo aleha intsony
F'efa feno, feno be
F'efa feno ny fony
Hay tsy azo aleha
Tsy azo aleha intsony
F'efa feno, feno be
F'efa feno ny fony
--------
Lien: https://tononkira.serasera.org/hira/mahaleo/aiza-no-aleha
Ajouter un commentaire
Se connecter d'abord
A propos
Artiste : Mahaleo
Visites : 1112
Préférés : 0 J'aime
Ajouté par : lova_harisata
Date : 19/05/2020 19:22
Audio

Audio non disponible

Ajouter
Tablature

Tablature non disponible

Ajouter
© serasera.org 1999 - 2023 - page load 0.1041