Hary elatra (Ludger Andrianjaka)

(Nalaina tao amin'ny tononkira.serasera.org)
Hary elatra ianao
Ka handao
Hanaraka ilay nofinidy
Tena sarobidy

Tsy iza izany
F’ilay vady tiana
Ilay nofinofy
Kanjo tanteraka ankehitriny

Hary elatra ianao
K’hisidina ambony
Hisakambina
Hifampitantana amin’ilay tiana

Paradisa ny tany
Hoy ny saina
Marina izany
Kanefa koa dia holazaina

Maro no mitady hisakana
Mitady handrava ny fanambadiana
Maro ny fakam-panahy misarika
Hanatona an-drafahoriana

Eo indrindra no ilaina
Ny fandaozana an-drafahazazana
Saina matotra sy tony, fo natolotra ny fony
Olon-droa efa niray mandrakizay

N’inona mitady hisakana
Mitady handrava ka hamaha ilay tady
Ampiasao ny fitiavana
Sy ny fampatokisan’ny mpivady

Tandremonao ny sotasota
Tezera, nefa aza manota
Raha sendra resy izy ampio
Tsarovy f’io fitiavana io

Dia mandra-maty ny voadinareo mivady......
--------
Rohy:
Hametraka hevitra
Midira aloha
Momba ny hira
Mpihira : Ludger Andrianjaka
Vangy : 13629
Mpankafy : 0 Ankafizo
Nampiditra : Narihe
Daty : 03/11/2003 13:07
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0121