Ndao Namako (Lola (lahy))

Zava-doza mananontanona
Ny aretina avy amin’ny firaisana
Indrindra raha tsy voaaro
Tsaboy haingana
Raha vao misy ahiahiana
Ny vatanao, aza variana
Tsarovy fa dokotera ihany
No hany tokana mitsabo izany

Ndao namako ô!
Hitsabo tena dia salama
Ndao namako ô!
Amin’ny toeram-pitsaboana ihany
Ndao namako ô!
Toromarik’i radoko arahana tsara
Ndao namako ô!
Diso lalana ianao raha toa tsy izany

Ny aretina avy amin’ny firaisana
Mety tsy hita maso nefa dia mamindra
Maro karazany ny fisehoany
Tsy mitovy koa ny fitsaboana
Tsy maintsy tsaboina ihany koa
Ny olona niarahanao
Mba ho sitrana tanteraka
Ny fanafody mila taperina

Ndao namako ô!
Hitsabo tena dia salama
Ndao namako ô!
Amin’ny toeram-pitsaboana ihany
Ndao namako ô!
Toromarik’i radoko arahana tsara
Ndao namako ô!
Diso lalana ianao raha toa tsy izany

Tsy hahazoanao taranaka
(raha tsy voatsabo)
Miandry anao ny homamiadana
(raha tsy voatsabo)
Fahazoana ny VIH / SIDA
(raha tsy voatsabo)
Dia ho simba ny hoavinao

(x2)
Ndao namako ô!
Hitsabo tena dia salama
Ndao namako ô!
Amin’ny toeram-pitsaboana ihany
Ndao namako ô!
Toromarik’i radoko arahana tsara
Ndao namako ô!
Diso lalana ianao raha toa tsy izany
--------