VELOMA ... DORIA (Henri Ratsimbazafy)

Ref.: Veloma ry olona iray, izay tsy tia,
Veloma ho mandrakizay ho doria,
fa raha tanora ny any,
ny aty koa’zareo fotsy nify

Lehilahy:
Ianareo tovovavy mazàna
dia mora diso fanantenana
"vao ilaozan’ireo tovolahy
mitanondrika very fanahy." (bis)

Vehivavy:
Tsy izahay tsy akory no tsy tsara
fa izy ireo no efa tsy anjara,
Koa izahay tsy ho kivikivy foana re,
fa hainay ny mihira hoe:

Ref.:...

Vehivavy:
Ianareo lahy koa toy izany,
misy aza hono dia mitomany;
"vao ilaozan’ireo tovovavy
manjoretra mandraiky manavy." (bis)

Lehilahy:
Tsy izahay akory no tsy tsara...sns

Henri Ratsimbazafy(1971)
--------