VAVAKA (Henri Ratsimbazafy)

Ho an'ireo miseho ho marina
Mitady tsiny ho hitarina
Manenjika ireo tsy tafarina
Mivavaka aminao izahay

Ho an'ny zanaka velezin-dray
Ho an'ireo mpianatra izay
Miezaka kanefa tsy mahay
Mivavaka aminao izahay

Ho an'ireo tanora mifangia
Ka manantena fa hoe ny fitia
Haharitra mandrakizay doria
Mivavaka aminao izahay

Ho an'ireo latsaka an-davaka
Diso famindra ka solafaka
Mba te hiarina fa tsy afaka ô ô !
Mivavaka aminao izahay

Ho an'ireo nahita lalana
Tafakatra natosi-tanana
Avy eo tsy mahalala namana
Mivavaka aminao izahay

Ho an'ny mpiasa ana, sasatra
Kanefa mbola miasa fatratra
Na dia trotraka sy sasatra
Mivavaka aminao izahay
--------