Fitia voarara (Henri Ratsimbazafy)

(Nalaina tao amin'ny tononkira.serasera.org)
Izaho mbola kely
ka tsy mahazaka tena,
nefa koa tsy anjely
ka mety mba mivena.

Ny saiko mahalala
hany ka azoko raràna,
fa ny foko no adala
ka manivaka tsy tana.

Ny fitia tsy terena,
tsy lalao, tsy vazivazy,
nefa koa tsy hay fefena
fa mitsimoka ho azy,

Ny ahy voarara
ka tsy azoko arahana
fa lazaina fa tsy tsara
ka tsy azo tanterahana.

REF.
Ho toneko ny fitiavako
hivalona ao anatiko,
tsy hivolana ny vavako
ambara-pahafatiko.

Hivavaka aho hahery
sy mba ho tony tsara
hitana ho ahy irery
ILAY FITIA VOARARA.

Henri RATSIMBAZAFY 1967
--------
Rohy:
Hametraka hevitra
Midira aloha
Momba ny hira
Mpihira : Henri Ratsimbazafy
Vangy : 3669
Mpankafy : 1 Ankafizo
Nampiditra :
Daty : 22/02/2002 00:16
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1296