Tsilovy ny lalanay (Groupe Hiakan'ny Avo Mpandresy)

Raha sendra sampanana izahay
Toroy lalana aho Ry Ray
Tompo ô! amindrao fo
Fa mpanota tsy mendrika ho Anao
Ka arovy re! mba tsy ho very dia
Tompo ô! tantano ny diako

Fa zava-poana anie izahay
Raha tsy eo Ianao ry Ray
Tsy afaka ny haleon-tena
Satria mila famonjena
Toloroy ny Tananao, mba hikasika
Fa Ianao ihany no mpanavotra ahy

Fiv : Ô! tsilovy re ny lalanay, Tompo ô!
        Fa kitaontaona feno hantsana
        Ka mifona mivalo aho
        Tamin'ireo heloka
        Izay vitako, teo Aminao

Na lalan-tsarotra aza Tompo ô!
No hizorako ety
Dia matoky fa Ianao no eo anilako
Ny fiandriananao no hiankinako
Raiso aho, ka anjakao

Fiv : Ô! tsilovy re ny lalanay, Tompo ô!
        Fa kitaontaona feno hantsana
        Ka mifona mivalo aho
        Tamin'ireo heloka
        Izay vitako, teo Aminao
-------------------------------------------------------------------------------------------------------
Merci à Dieu
A/C : Radoniaina Angelo
--------