Aiza ho aiza ? (AMPIFITIA)

Aiza ho aiza? Aiza ho aiza namako ô!
Aiza amin'ny fiainanao
Ireo Tenin'i Jesosy
Ilay manao hoe:
Tiavà ny namanao tahaka ny tenanao
Moa va arahinao

Aiza ho aiza?Aiza ho aiza Neniko ô!
Aiza ho aiza aminao?
Ilay hafatr'Izy Tompo
Ilay manao hoe:
Tiavà ny fahavalonao, izay manenjika anao
Mivavaha hoazy

                            Tsisy tianao afa-tsy ny tenanao
                            Izay zahanao dia ny ho anao
                            Tsy hataonao raha tsy misy soa ho anao
                            Ka ny hafa namanao, tsy rarahanao
                            Izay miady aminao, ireo fahavalonao
                            Mainka koa hiadianao, hanangananao
                            Ireo izay mandrafy anao ka manenjika anao
                           Tsy tianao maizaina, tena halanao

Aiza ho aiza?Aiza ho aiza zandriko ô!
Ny fanarahanao ilay Tenin'ny Tompontsika
Ilay manao hoe:
Iray ihany isika tena iray isika
Tsisy Jiosy na Grika

                          Saingy izao tsy misy tianao
                          Raha tsy ireo mitovy aminao
                          Ny havanao, iray fihaviana aminao
                          Iray filoevana aminao, iray kilasinao
                          Ary dia kapoakanao sy tena angadinao
                          Ny manavakavaka, mihatakataka
                          Fidifidinao izay hiresahanao
                          Ka izay lalovanao, mikorontana

Aiza ho aiza ianao ry fiangonana ô
Amin'ireo teny ireo?
Tenin'i Jesoa, Teny ho anao
Nefa sahy tsy harahinao
Aiza ho aiza ianao ry olombelona ô
Aiza ianao amin'ireo?
Tenin'i Jesoa ilay Mpamonjinao
Indro haverina aminao

                           Raha misy tia Ahy hoy i Jesoa
                           Dia hitandrina ny Teniko izy
                           Ary ny Raiko ho tia azy
Ary hankao Aminy izahay
Raha tia Ahy ianareo hoy Jesosy
Dia hitandrina ny didiko
Ary ny Ray hanome anareo
Ny Fanahiny Masina
--------