Tsotr'izao ('Zay)

(Nalaina tao amin'ny tononkira.serasera.org)
Tsy hanihany na kilalao
No mahatonga ahy hitia anao
Fa fitia avy ao am-po,
Lay tsy mba mety ho lo
Fitia tsy rendrarendra fa ho doria

Tsy haitraitra fa tena tia
Vonona mihitsy ny hiara-dia
Vonona hamafa ireo lasa, hanolotra ho anao
Fitiavana mandrakizay vaovao

Tsy hoe hilaza fa izao rehetra izao
No atolotro ho anao
Toa ho nofy ihany izany
Fa izaho sy izay mikasika ahy rehetra
Fitiavana tsy misy fetra
No omeko anao tsotr’izao !

Ka raha mbola misy any ho any
Manambara aminao toy izany
Ho ento aty raha sahy miteny
Hilaza ombieny ombieny
Fa manana fitia ho anao toy ny ahy !

Tsy hoe hilaza fa ny volana eny ambony
Irony kintana irony
No hatolotro ho anao
Fa izaho sy izay mikasika ahy rehetra
Fo, fanahy, saina, toetra
No homeko anao tsotr’izao !

Tsy hoe hilaza fa izao rehetra izao
No atolotro ho anao
Toa ho nofy ihany izany
Fa izaho sy izay mikasika ahy rehetra
Fitiavana tsy misy fetra
No omeko anao tsotr’izao !



‘Zay
--------
Rohy:
Hametraka hevitra
Midira aloha
Momba ny hira
Mpihira : 'Zay
Vangy : 23476
Mpankafy : 0 Ankafizo
Nampiditra :
Daty : 10/04/2005 10:07
Hihaino

Mbola tsy nisy nampiditra hira

Hampiditra
© serasera.org 1999 - 2024 - page load 0.0859