Itantarao angano (Tselonina)

Hitantarao angano aho dady
Tantaran’ny andro taloha
Azavao ahy tsotra hoa dady
Ny fitiavanareo izay nialoha
Hizaha izay ho tiana ve dady
Mba tsotsotra ohatrin’ny anio?
Misaraka amin’ny tiana ve ‘nareo
Mba namoy fo toy ireo

Ref: Irony efa lasa tahiry fahiny
Tantara no re, tsy hay izay nihaviany
Ny anganom-pitia moa ve tsy nisy sa hadino
Tantarao aho

Hitantarao angano hafa aho dady
Ny fitiavanareo toa miery
Ikoto sy Fara sy ry Ingahibesola
Dia tantara efa vita tsianjery
Hendratry ny hilaza ve dady?
No lanjalanjaina ity loha
Fa ry Andrianampoina ve dady
Mba nanoka-pitia tao am-pony

Hitantarao angano aho dady
Tantaran’ny andro taloha
Azavao ahy tsotra hoa dady
Ny fitiavanareo izay nialoha.
--------