NY ANAY (Sareraka)

1-Nama e  mama o
tsy raharahanay izay 5 sy 4- taona
itondràny anay
fa ny vola be aferany mandritra ny 20 androm-pifidianana iny
izay ihany ny anay ny anay ........e

2-Nama o mama e
tsy raharahanay izay soritr’asa sy safidy
fa ny vatonay amidy
natakalo vola mora vidy
izay manko no mibaiko anay
ny tsy mandry fotsy aloha izahay
sitrany ahay ahay ......

3-Nama e mama e
tsy raharahanay izay firaisam-pirenena
tanindrazana iombonana
fanjakàna tan-dalàna
fitondràna ifandimbiasana
fa ny iray foko  fihaviana
aminay ny anay ny anay ....

4- io ary izy ny an’ialahy fa lany fa lany...
tokana ihany e ny tanjona @ izany ...
dingana voalohany hamerina ny lany ...
dingana faharoa hihinana ihany e...
dingana farany e hifikitra hatrany e....
soa ialahy mbola mihinana angano e..
ialahy no mora vidy
ka ny firenena jiaby mantsina
mantsina maimbo masiso malàny...

5-Nama e mama e
tsy raharahanay na mpamono olona
na mpangala-batosoa
fa ny vola omeny ny akamany misava vato
eny antokotanim-pifidianana
iny ihany ny anay ,ny anay ...

6-Nama o mama o
tsy raharahanay izay candidatn’ialahy
na hita na izao
fa ampiharina ny tany
nefa tsy mizara akory na dia ariary
ka aleonay ny anay ...
aleonay ny anay..

7-Nama e nama e
tsy raharahanay izay ho avin’ny taranaka
sy ny ho avim-pirenena
fa izay lazaindry mon pére sy ry pasitera sy ry masera
fa kandidà mivavaka sy mpiray finoana aminao
toa teny @ frantsay
izay ihany ny anay ny anay ....

8-io ary izy ny an’ialahy fa lany fa lany ...
tokana ihany e ny tanjona @ izany..
dingana voalohany hamerina ny lany..
dingana faha 2 hihinana ihany .....
dingana farany e hifikitra hatrany e...
soa ialahy mbola mihinana anganao e...
ialahy no mora vidy
ka itsika jiaby  masiso  maimbo masiso malàny...
zom-pirenena noho ialahy dia mantsina masiso malàny malàny...
tsy manan-kasina intsony noho ialahy malàny malàny....
--------