TANTARAN' IALAHY (Njila)

Maneri-dava foana ny aty aminay
Hatramin’izay nandehanan’ialahy izay
Ialahy ilay bandy kely ratsy vintana
Tsy mety ho tafita fa mafy ady lava izao
                Tofoka ialahy nanapa-kevitra ny handeha
                Nahoron’ialahy avokoa ny entan-kelin’ialahy
                Nahasorena an’ialahy ny mpiara-monina
                Nanesoeso vao maika toa nandroaka an’ialahy
                La!la!la!......
                Izany no mba tantaran’ialahy
Nitady teto anikeheo ’lay malalan’ialahy
Nipenipenina nandona varavarana
Dia nolazaiko azy ny antony nandehanan’ialahy
Tsy nahaloa-peo fa niondrika izy tamin’izay
                Niezaka ihany izy ny hanafina
                Ireo masony no nanganohano be
                Ny herika nifafy tamin’ny endriny
                No nifangaro tamin’ny ranomasony
                La!la!la!......
                Izany no mba tantaran’ialahy
Raha tonga ny andro iray izay hiverenan’ialahy
Ho andro lehibe tokoa izay andro izay
Ialahy ilay bandy niomehezana hatrizay
Nanarina ihany ka tonga nalaza be
La!la!la!...... (3x)
Ho tsara ny andro rehefa hiverina ialahy

                                       NJILA
--------