Ho an'i dada sy neny (Mbola Talenta)

Raha misy fitiavana ambony indrindra o!
Dia ny fitiavan'i dada sy neny
Fitia tsy atakalo sy tsy hay afindra o!
Fa mitoetra ao am-po ao ombieny ombieny
Izy ireny no nahitana masoandro
Loharanon'ny fiainana sy ny fisiana
Nitaiza naha-olona sy nitandro
Nihantahantana sy nitosiana

Réf :
O! ry dada malala o! , O! ry neny tsy mba foiko
Ianareo tsy manan-tsahala fa mitoetra ato am-poko
Ny andon'ny lanitra sy ny tsiron'ny tany
Homba anareo mivady hatrany hatrany

Izao hira izao indro atolotray
Mba ho valin'ny vitanareo hatrizay
Ka ny faniriana miloatra ao am-po
Ho ela velona anie ianareo roa
--------