ALINA PARIS (Jérôme Randria)

Maizina sady mangatsiaka
Ny amin’ny enina ririnina
Ora firavan’ny mpiasa
Mihaohao ery ny mpandeha
Tototra fiara ny arabe
Alina ririnina mitabataba

Jiro an’alin-kisa maro
Fotsy, mena, ny hafa koa
An-dàlana, an-trano
Hatreny amoron-drano
Izay sendra mba aleha
Na magazay na café
Toa foara avokoa etsy sy eroa

Fiv:
Alina Paris (2) mihira ny fitia
Fitia tsy mety maty
Miaina ao anaty
Fitiavana ilay tany nihaviana
Tanindrazana malala tena tiana
Eritreritra sy vetsovetsom-po
Indray mitraotra ho azy avokoa
Anivon’ny mamiratra ny taniko no laniko
Tsy manam-paharoa
Hafa mbola hafa, mamy tena mbola mamy
Alina Paris (02) mihira ny fitia

Na alina aza ka mangatsiaka
Ny toerana malaza dia sariaka
Toa fety lava, miravaka hazavana
St Germain, na Champs-Elysée
Pigalle sy ny hafa be dia be
Mifanjevo samy revo mikoràna

Matetika an-dalana eny hitanao
Mpihira na mpandihy milalao
Arahin’ny gitara na koa ny angorodao
Ny mpifankatia moa mahazatra anao tokoa
Fa mifanorokoroka etsy sy eroa

Fiv: ...
--------