Nofinofy an - dakilasy (Henri Ratsimbazafy)

1 -
An-dakilasy, ny fotoana miha-lava
toa tsy ho tapitra ny adiny iray,
Madama anefa mikiry manazava
toa tsy ekeny ilay kajy raha tsy hay.
Izaho kosa efa maika ny hirava
fa te-hihaona, hahita anao indray

2 -
Tsaroako isika rehefa miadiady,
toa tena tezitra, tofoka ery,
kanefa avy eo, tsy ela dia mifampitady
ka mifampiantso indray an-taroby,
’lay ady teo dia nanjavona sahady
fa mafy loatra ny herin’ny fitia.

Ref.
Ny endrikao mandravaka ny nofiko
mitsiky mora, mahate - ho tia,
ny feonao manako ao an-tsofiko
miangotingoty, miantso hoe : "avia "
Kanefa izao
tsy eo ianao.
Koa hira sisa tsy afaka ao ambavako,
’reo hirantsika mampahatsiahy anao,
ny dinantsika andrin’ny fitiavako
ka mampahery ahy hatramizao.

Henri Ratsimbazafy
26 - 7 - 91
--------