TSINONTSINONA (FEFI)

1 – Tsinontsinona tokoa, raha ity nofo ity
Fa hiraradraraka ho vovoka fa satria
Volavolan-tany anie no niandohana
Ka lavenona no hiafarana
Mampisento isan’andro izay miseho
Mampikaika sy mampitoreo
Mangoraka ny fo noho ny ratsy natao
Tompo ô, inty aho ampibebaho
2 – Raha ny teny efa re no natao tao an-doha
Olo-marobe tokoa no efa niova fo
Saingy nofo ihany moa raha izao isika izao
Mora reraka ka sahy nandao
Ny fitiavan’Andriamanitra
No nivoaka ny lanitra
Mba ho avotra ho ahy, famonjena ho anao
Sambatra isika raha tsapanao

3 – Ny toloko izay nanjo nampamoy fo
Saingy nisy feo malefaka nandona ny loha
Nampisinda ny alahelo izay nampikoa
Ka nanaitra izany tena hifoha
Ny ho avy rehetra Jesosy tia
Dia atokako ho Anao ho doria
Na ny aiko na ny saiko izay avy aminao
Tena foiko hanompoko Anao
--------