Hafa ihany i Mama (Bessa)

Andry ianteherako ny dadako
Tokim-pahanterako ny zanako
Samy tiako sy lalaiko fatratra
Ary samy iriko mba ho sambatra
Sanatria tsy hadinoko ny vadiko
Sy ireo iray tampo zoky sy zandriko
Hafa ihany i Mama
Neny, mamako

Ny iray tampo kiady
Azo iankinan-doha ny vady
Loharanon- drehareha ny zanaka
Ka tsy ahatsiarovan-tena lanaka
Naha-olona i Dada
Nefa izao no mahagaga
Hafa ihany i mama
Neny, mamako

Tsy ho voatanisako izay antony
Tokony hiderako ny hakantony
Fa ny ahy ny tena azoko antoka
Dia ilay fahatsiarovako azy tampoka
Fa raha sendra taitra aho ny eo am-bavako
Tsy mba olon-kafa fa ny mamako
Hafa ihany i mama
Neny, mamako

Ny iray tampo kiady
Azo iankinan-doha ny vady
Loharanon- drehareha ny zanaka
Ka tsy ahatsiarovan-tena lanaka
Naha-olona i Dada
Nefa izao no mahagaga
Hafa ihany i mama
Neny, mamako

(hatramin’ny farany)
--------